الصيد بطريقة التوشيح

فكرة عامة :

التوشيح او الوش من افضل طرق الصيد فى البحر الاحمر طريقه احترافيه للباحث عن السمكه الكبيره من وسط الشعب

 فإن طريقة التوشيح هي رمي الطعم بغير ثقل ( رصاص ) أو برصاص خفيف جدا 
وذلك ليسبح الطعم مع تيار المياه .سواءاً بقصبة صيد أو بحداف ( لنسه )
وهذه بعض الإرشادات عند الصيد بهذه الطريقة 

متي تقوم بالتوشيح :

التوشيح بيعتمد على دقة النظر اولا فى الملاحظات ازاى؟
لو قاعد فى طرحه ولاقيت السمك بيلعب عن بعد وبيجرى وراء سمك صغير أو اصطياد سمكة براس فقط مما يعني و جود اسماك مهاجمة

التيار:

- إذا كان تيار المياه غير شديد ( ضعيف ) فلا تستخدم ثقل ( رصاص ) أما إن كان التيار قوي فاستخدم ثقل خفيف
- إذا كان التيار ضعيف يفضل أن تستخدم الطعم الحي فقط ، أما إذا لم يتوافر فتستخد طعم غير حي ولكن يكون كبير الحجم وتكون السنارة المستخدمة كبيرة 

السنار :

سنار كبير خامه محترمه يبداء من 01

الخيط :

- لا تستخدم أبدا خيط أقل من مقاس 50 ( أضعف الأقوياء ) في الصيد بهذه الطريقة ، لقوة ضربة السمك المستهدف صيده

الطعم : 

هتجيب قطعة ماكريل وقطعة كليمارى وباغه او سردينه من عينها ( ده السندوتش) وتحطهم فى السن تمام ... والسن بيكون فى طرف الخيط وقبلها بنص متر تحط حته تقل قشره او رصاصه خفيفه وتشوح ( تحدف) ايدك بعيد عن المركب فى اتجاه التيار ... هتلاقى الطعم بالسن ماشى مع التيار بالراحه وبينزل حته حته وسيبله خيط شويه بشويه

أو 

توشيح بسمكة سردين

الأسماك التى يتم اصطيادها بالسردين
تفضل معظم الأسماك السريعة أو المهاجمة السردين كطعم ولكن يمكن تحديدها
لهواة الصيد في عدة أنواع هى : الدنيس والوقال أو مايطلق عليها الحلابيش ومن
اسماك البحر الأحمر الشعور والناجل والبونجز وأبو لولو .

توشيح بسمكة سردين

السن العلوي حر كي يظبط علي حسب حجم السمكة

توشيح سمكة سردين

بصورة عامة المطلوب ان السن بالطعم يمشى مع التيار ويكشف اعماق واراضى كثيره على عكس التسقيط اللى بينزل تحتك وعلى القاع فقط

فائدة التوشيح :

المطلوب ان السن بالطعم يمشى مع التيار ويكشف اعماق واراضى كثيره على عكس التسقيط اللى بينزل تحتك وعلى القاع فقط ... وعلى ذلك بيكون الصيد بالتوشيح افضل كثيرا جدا جدا جدا من التسقيط وسمكته محترمه ووزنها كويس وطبعا بعد كده تمتظر ربنا يكرمك بشعوره او محسنه او شريفه هتلاقيها سحبت الخيط فجاه ولازم تلم على طول وربنا يبارك فى رزقك

نصائح :

- لا تغفل أبدا عن أو اللنسة بعد رمي الخيط في الماء ، فمن الطبيعي أنك ستترك الخيط في الماء وتتجه بقصبة أخرى أو بخيط آخر للصيد بالتسقيط أو من على الشاطئ ، ولكن ، بمجرد أكل السمكة للطعم وسحب الخيط اترك ما بيدك وأمسك قصبة التوشيح أو الخيط وابدأ التعامل مع السمكة ، وذلك كي لا تفقد القصبة وماكنة الصيد بسحب السمكة لها ، أو أن تفقد السمكة بدخولها بين الشعاب أو الصخور