تقييم مركب بيجاد-مرسي علم -بواسطة أحمد شرقاوي

تقرير و تقييم رحلة صيد مرسي علم

• المركب:بيجاد
• التاريخ: ١٦، ١٧، ١٨ يوليو ٢٠١٨ (٣أيام)

التقييم	المراد تقييمة
*****	ريس المركب
****	بحرية المركب
*****	شيف المركب
*****	تجهيزات المركب
*****	نظافة المركب

أحمد شرقاوي

 معطيات الرحلة

• المركب: بيجاد
• طاقم المركب: (٤ افراد) الريس ابو بكر، شيف عبده، بحرية احمد و حسن
• المواصلات: احمد أفندينا
• الطعوم: عبد الله

نيجي بقي لتقييم للرحلة بذكر الأسباب:

مسئول المركب و صاحية	التقييم
تعامل محترم جدااااااااا قبل و اثناء و بعد الرحلة. المتابعة طوال مدة الرحلة للإطمئنان عنا و ان كل شيء ماشي تمام.. و اللي كان ممكن يكلم الريس يطمن منه الا انه كان بيكلمنا احنا لسمع الأخبار مننا. اللي ضايقنا هو أخذ كامل سعر الرحلة مقدم فور وصولنا لكن كانو بيأكدولنا انه لن يوجد تقصير من طرف الريس او البحرية إطلاق اً	٩/١٠

المركب نفسه	التقييم
1-كبيرة و مريحة نفسياً جدا 2-فيها حمامين و ٣ غرف نوم منفصلين عن غرفة نوم رابعة للريس و البحرية 3-مطبخ منفصل علشان الروائح وقت الطبخ 4-زودياك واسع جميل تقدر تستخدمه للنزهة و السنوركلينج قرب الشعب 5-الطاقة الشمسية و دي اجمل شيء عالمركب لسببين: ١- توفر الكهرباء باستمرار صبح و ليل علي المركب ٢- هدوووء تااااام لعدم وجود مولدات مزعجة اً	١٠/١٠

طاقم المركب

التقييم

اولا (الريس ابو بكر) ما شاء الله عليه فاهم و حافظ الارض و عارف كل سمكة في المنطقة و طريقة صيدها و دا سهل علينا كتير في الصيد مابخلش علينا بمجهوده نهائي بالرغم من إصابته اثناء الرحلة في كوعه بشكل شديد بالرغم من كدا الل انه كلن بيصطاد معانا علشان يسخنا و يدخلنا في الموود و كل السمك اللي هو طلعه اتوزع عالجروب ثانيا (الشيف عبده) خلوووووق جدااااا و طول ما هو قاعد يسألك تشرب ايه! طاب تاكل ايه طاب أعماكم ايه ناقصكم دايما عامل علي خدمتك في موضوع الاكل و الشرب و ما شاء الله تسلم ايده أكله زي الفل والله ثالثاً (البحرية حسن و احمد) بيقسِّموا وقتهم بالتناوب علي الجروب بحيث ان مافيش وقت تلاقي نفسك محتاج حد فيهم و مش موجود محترمين جد تنادي علي اي شخص فيهم مرة واحدة فقط ما تتانيهااااااش دا ان ما جالكش من قبل ما تنادي عليه ان حس باحتياجك له ملحوظة: المركب اتنظف مرتين فقط طوال الرحلة مش كل يوم. عشان كدا

٩/١٠

المواصلات أحمد أفندينا

التقييم

السلبيات: ١- تأخر السواق عن ميعاد الذهاب بمدة ساعتين.. ٢- واضح انه كان مش نايم كويس او مرهق جدا في الذهاب و ذلك ادي الي انه سايق بسرعة بطيئة اقصاها ١٠٠كم و مما ادي الي وصولنا الساعة ١١ص عالمارينا.. ٣- تأخر وصول نفس السواق للعودة مدة لا تقل عن ساعتين و نصف مما ادي الي تعب و إرهاق افراد الرحلة لان المركب دخل عليها جروب الرحلة التالية و ماكنش لنا مكان غير الرمل و الشمس الحارقة.. و طبعا ربنا رزقنا بباص تاني نجدنا من الحر و العرق عرفنا ناخده و لاغينا العودة مع احمد أفندينا الايجابيات: ١- شخصية احمد أفندينا صاحب العربيات نفسه محترم في التعامل في الموضوع حتي بعد ما عرف اننا خدنا باص تاني و اعتذاره الشديد و طلبه انه يكلم كل شخص و يعتذرله بنفسه من التقصير اللي حصل و توعده بمحاسبة السواق.. ٢- الباص نظيف و فرشه و تكيفه كويس جدا.

٣/١٠

الطعم	التقييم
الطعوم فريش بجد و زفرة الالتزام بالمواعيد هو اللي كان مستنينا مش احنا اللي استنناه تسلم ايدك يا نجم الطعوم يا عوبدددد	١٠/١٠

تفاصيل الرحلة :

• أساس الرحلة تسقيط لكن احنا لعبنا جر و جيجينج و كاستينج كمان..
• مرسي علم ارض الخير كله
• ارض بكر و مليانة سمك ما شاء الله..
• خدنا سمك أشكال و ألوان و احجام في كل طريقة صيد الحمد لله 
• ادينا اطقعت من الخيوط و فولنا ايس بوكسات و اتراضينا الحمد لله..
• للاسف الشديد ما صورناش سمك خالص وقت الصيد و دا كان بنائاً علي طلب الناس.
• و الصور اللي نازلة دي رزقي انا و واحد صاحبي و الباقي كان سمكهم متشال في ايس بوكساتهم والله..

أحب اخص بالشكر E-jig Eslam 
السيبيا الجديدة قطعت السمك في اللايت جيجينج..

بس اعزرني اني مصورتش وقت الصيد علشان ابهرك بالمنظر ( شرفان و نواجل و كنايات و ابو لولو احجام كبيرة)
كله بيدخل عليها ما شاء الله يا غالي ربنا يوسع عليك..
شكرا لكل شخص عمل اي حاجة اثرت بإيجابية علي الرحلة
شكرا sisooo 
شكرا ابراهيم متولي
انا أسف اني طولت علي كل شخص قرأ التقرير و تابعه للاخر..