تقييم مركب رود رنر 5 - بواسطة طارق رضوان

السلام عليكم ورحمة الله تقرير رحلة ١٥.١٦.١٧ ابريل  20على العملاقه رود رونر 5

التقييم : 

• * اقل تقييم
•  ***** اعلي تقييم

 

التقييم	المراد تقييمة
*****	ريس المركب
*****	بحرية المركب
*****	شيف المركب
*****	تجهيزات المركب
*****	نظافة المركب

طارق  رضوان

• المتالق دائما الريس حامد مبارك الرحله 

• مجموعه جميله جدا من الاصدقاء بدون منظم بقيادة المايسترو مهندسحسن حمدى ربنا يباركلنا فيه يارب لانه خلاها فعلا رحله فوق النجوم مش هنقول ٥ نجوم ولا سبعة نجوم زى ناس لا هنقول رحلة فوق النجوم 

تقرير الرحلة:

اولا وصلنا المارينا حوالى الساعه ٨ صباحا وكان الريس حامد لسه ماطلعش من البحر لانه كان معاه رحله ولسه مخرجش واحنا فى انتظاره خرج حوالى ٤ رحلات وكانت الصدمه على وجوه الرحلات الى خارجه لدرجة ان احد الصيادين الخارجين كان يحمل الايس بوكس بتاعه بصابع واحد بس اه والله وكانت صدمه للمجموعه وجلسنا نبص لبعض كلنا ونسال الناس الخارجه من البحر وكلهم اجمعو ان الصيد وحش والبحر مفيهوش سمك والكلام ده فسلمنا امرنا لله وقلنا احنا خلاص جينا واحنا ونصيبنا

 وحوالى الساعه ٩ وصل الريس حامد هو والرحله الى معاه بصراحه انا روحت انزل معاهم الايس بوكسات فى حركة خباثه منى وكانت المفاجاه الايس بوكسات تقيله بسم الله ماشاء الله وهنا اتولد الامل من جديد ليا وللرحله كلها خلصنا وحملنا الايس بوكسات بتاعنا على المركب 

بدات رحلة فوق النجوم بتاعنا وصلنا على الطرحه وبدانا نصطاد دخل علينا بونجز وبطاطا وابولولو وتشكيله حلوه المهم كله بياخد سمك ودخل الليل علينا وكانت المفاجاه هوب شعور هوب محاسن كوشر شريفه وكانت ليله جميله جدا والصور خير دليل والرحله كانت ٣ ايام كانو اجمل ٣ ايام ليا وللمجموعه كلها واهم شئ المجموعة كلها كانت ولا اروع من كده 

أسباب نجاح الرحلة :

• كلها ناس محترمه ومتعاونه مع بعض مع ان كان فيها شباب صغيره وناس كبيره بس تحس انها كلها فرد واحد وده اهم سبب لنجاح الرحله

• السبب التانى للريس المحترم حامد مبارك هو واخوه الريس حسنى ومحمد ابن الريس حسنى ورائد الشيف الممتاز والمحترم جدا بصراحه اسرة رود رونر كلها اسرة محترمه جدا وربنا يوفقهم يارب معلش انا عارف انى طولت عليكم بس والله فى كلام كتير جدا كنت عايز اقوله بس كفايه كده وشكرا للجروب الجميل جدا جدا الى فعلا كان مشرف فى كل شئ وبالنسبه

الريس حسني

•  لتقيم الرحله مركب وطاقم مركب ١٠/ ١٠ افراد الرحله فوق المليون على عشره ومننساش المحترم جدا ابوزياد مواعيد والتزام ١٠/١٠ عربيه ١٠/١٠ سواق مليون على عشرة بصراحه اى حاجه تبع ابوزياد عشره على عشره اشكركم جميعا