العدة المناسبه للشور كاستينج - بواسطة رضوان البرهامي

shore Casting

بس الله الرحمن الرحيم .

ان شاء الله البوست دة حنتكلم فيه عن العدة المناسبه للكاستينج المتوفرة في السوق المصري

اول نقطه بالنسبه لعدة الكاستينج كل ما كانت العدة خفيفه وماركه كويسه حتديلك اعلي اداء . الكاستينج او الاسبينينج ليه عدة خاصه بيه من مكن وبوص اهم ما حاجه في عدة الكاستينج انه يكون خفيف علشان تقدر تنفذ اكشن بطريقه صح ودراعك ميتعبش لو قعدت تصطاد وقت طويل .

بالنسبه للبوص احنا بنشتري البوصه علي حسب طولها وعلي حسب الكاست ويت وفيه بوص دراعه قصير وفيه دراع طويل

 دايما بيفضل الدراع الاطول بالنسبه لعدة الاسبينينج طول البوصه عامل مهم جداااا لو انت واقف في مكان عالي البوصه الطويله احسن بيبقي اقصي طول ليها 3.60 متر لو انت واقف علي مكان مستوي البوصه القصيرة افضل واقل طول 1.80 متر لحد 2.40متر

 كل بوصه مكتوب عليها كاست ويت انت بتستخدمها علي حسب وزن اللورز الي بتشتغل بيها علي الميه كل صياد كاستينج بيبقي معاها اطوال مختلفه من البوص ووزن اللورز الي بتشيله في وقت الغلو دة انا ممكن اجيب بوصه تنفع وتشلغني كويس جداااا جداااا بالنسبه لاماكن العاليه وبالنسبه للورز الي بستخدمها يبقي طول 

البوصه المناسب الي حينفعك لاماكن العاليه ولاماكن المستويه وبردة يشيل معاك لورز صغيرة وكبيرة طول المناسب هو ال3 متر والكاست ويت من 10 الي 40 جرام هي ديه البوصه المثاليه جدااا وممكن بردة كاست ويت من 20 الي 50 جرام 

متزودش عن كدة ابدااا .بالنسبه للمكن هو نوعين:

•  البيت كاستينج  (Bait Casting)
•  مكن الاسبينينج (Spinning)

Baitcasting Reel

Spinning Reel

مكن البيت كاستينج بيبقي محتاج تدريب شويه لاستخدامه خلينا في مكن الاسبينينج هو الاكتر انتشار عندنا في السوق المصري ومميزاته انه بيحدف مسافات ابعد بيبتدي مقاساته من 2000لحد 4000 المقاس المناسب جداااا هو ال4000 حاول تجيب ماركه كويسه .الماركات الكويسه الي تقدر تشتريها من بوص ومكن .

• Shimano
• Daiwa
• Penn
• Mitchell
• Dam
• Black hole
• Surcatch
• Okuma

يعني اي شركه عالميه تكون معروفه بمنتجاتها القويه والمتوفرة ادامك .الخيوط المستخدمه .عامل مهم جداااا طبعا فيه البريد وفيه الخيوط البلاستيك طبعا البريد افضل بكتير جدااا جدااا من البلاستيك في قوة التحمل وحدفك للورز بالذات في اللورز الصغيرة البريد بيبتدي من مقاس 12 الي 23 دة المستخدم وافضل مقاس من 18 و 20 . الانواع . 

• Powerpro
• Sufix
• Dam
• Okuma
• Shimano

بردة هات النوع المتوفر من شركه كويسه الليدر & المشبك .الليدر هو الوصله بين البريد واللورز الليدر ليه مميزات اكيد ومن عوامل نجاح الكاستينج . الليدر فلوروكاربون غير مرئي للسمكه فيه ناس كتير بتستخدم الخيط البلاستيك العادي مفيش مشكله بس الصح استخدام الليدر الغير مرئي . الليدر فيه منه مقاسات كتير بنستخدمها علي حسب حجم الاسماك المستهدفه . كل ما اللورز في الميه مقنع للسمكه كل ما فرصتك اكبر لنجاح صيدك . الليدر بيمتص اول ضربه للسمكه الكبيرة زي الجيجينج كدة .ولا قدر الله لو اللورز وعرت تقدر تقطعه .

المشبك: 

مشبك (lure snap)

ديه الي انت بتربطها في نهايه طرف الليدر و بتعلق فيها اللورز طبعا هي مهمه بتديلك سهوله في تغيير اللورز وانت بتصطاد و بتريح حركه اللورز وهي ماشيه في الميه وهي مقاسات صغيرة ومتوسطه وكبيرة وطبعا بيبقي معايا مجموعه من المقاسات بستخدمها علي حسب استخدام حجم اللورز يعني مينفعش استخدم مشبك كبير وانا مركب لورز صغيرة والعكس صحيح . المشبك ليه قوة تحمل بيبقي مكتوب علي الورقه وانت بتشتريها . ناخد بالاسباب ونتبع الاسلوب السليم والرزق من عند الله .هوك & الحلقات .

الكاستينج منظومه عوامل متكامله لنجاح صيدك وممكن من اقل الاشياء انك متهتمش بيها العمليه كلها تفشل فيه ناس كتير مش بيهتموا بتغير هوكات اللورز مع انها من اهم عوامل نجاح صيد الكاستينج . لازم بصفه مستمرة تغيير الحلقات لو عليها صدأ علشان متعملش صدأ علي بطن اللورز و الهوكات علشان ميفلتش منك سمك وانت بتصطاد وحافظ علي اللورز انك بعد كل صيدة تغسلها بالميه العذبه ولما تيجي تغير الحلقات او الهوكات لازم تجيب نفس المقاس الي متركب عليها اساسا علشان لو ركبت هوكات اكبر حتاثر علي حركتها ولو ركبت اصغر حتفلت منك سمك . صيانه الخيط والمكنه بعد كل طلعه صيد .بتفك حله المكنه وبتحطها فيه مياة دافيه لمدة 10 دقائق علشان تنزل ملح البحر والمكنه بفوطه مبلوله بتنضف اجزاء المكنه ولازم كل فترة تعمل للمكنه صيانه عن طريق التشحيم . اختيارك للورز .

كل لورز انت بتشتريها بيبقي مكتوب بياناتها بالنسبه للمقاس وبتغطس قد ايه الصياد بيبقي معاه مقاسات والوان وموديلات مختلفه بيستخدمها علي حسب الموسم الاسماك والاماكن الي بيصطاد منها . وديه حنتكلم عليها بموضوع شامل . ان شاء الله البوست دة حيبقي مثبت .

كاستينج-بورسعيد

كاستينج بورسعيد

رزق اليوم و الحمد لله من بورسعيد غير اللى راح و غير اللى القطط خطفتهم 😂

المكان :  بورسعيد 

التاريخ : 10/06/2018

الأدوات :

• البوصة:sweda forward 2.70
• المكنة  :ecoda black hook 2 4000
• بريد         :  power pro 25 mm
• ليدر         :mono sufix 35 mm

الطعم    :  strike pro 9 cm susbinding and floting

بواسطة :  Ahmed Elewa

مقارنة بين الخيط المونو و البريد - كاستينج

تم عمل مقارنة بين خيط المونو و البريد لمعرفة مع أي خيط سيذهب الطعم بة مسافة أبعد:

الفيديو الأول:

فيما يلي المتغيرات الموجودة في هذه التجربة:

1. Line Power: Equal – both at 10 lbs                              الخيط متساوي قوة 10 ليبرة
2. Rod Length: Equal – both the exact same 7’6″ rods made by the same manufacturer with the same power rating                                         البوصة نفس الطول و لها نفس القوة
3. Lures: Equal – both were 1/2 oz teardrop shaped weights so that wind-friction is minimized        استخدام طعم اصطناعي واحد
4. Casting Force – As equal as possible without a $$$$ machine          

قوة الكاستينج برمي الطعم بأقصي مسافة دون ميكنة

5.Line Diameter: Not equal – but that’s ok because it is part of the reason why braid has an advantage

قطر الخيط مختلفين ودة ميزة ال Braid

الفيديو الثاني:

فيما يلي المتغيرات الموجودة في هذه التجربة:

1. The weight/lure was lighter (3/16th oz vs. 1/2 oz)   وزن الطعم الأصطناعي أخف
2. The lines were wet                                                                   الخطوط مبلولة

نتائج التجربة:

ثبت أن Braid هو الخيار الأفضل مقارنة بخط Mono تقليدي من حيث مسافة الكاستينج لكل من التجارب.

أظهر الاختبار الأول ذو الوزن الثقيل ميزة بنسبة 7٪ للBraid.

وأظهر الاختبار المحدث مع الخطوط المبتلة التي تم تخزينها حديثا على حد سواء ميزة مذهلة بنسبة 30 ٪ للBraid.

وبالنظر إلى حقيقة إحصائية مفادها أن المزيد من المياه المغطاة = أكثر الأسماك التي يتم صيدها ، من الضروري بالنسبة لنا أن نفعل كل ما في وسعنا من أجل زيادة المسافة بيننا إلى أقصى درجة إذا أردنا تحقيق أقصى قدر من نتائج الصيد.

ويبدو واضحا أن أولئك منا الذين يقومون بالكثير من الكاستينج مع بكرات الspinning  تحتاج إلى النظر في استخدام Braid للغاية حتى نتمكن من تحقيق أقصى قدر من النتائج.

تقرير رحلة صيد-عمان الجزء الثاني

الموضوع بالكامل كتب بواسطة: Ramy Shahin

رامي شاهين

الجزء الثاني:

الموضوع:

جيجنج و كاستينج في عمان

المكان:

 جنوب عمان وتحديدا في الشويميه بعد صلاله بحوالي 350 كيلو تقريبا المكان كامب noboundries مكان بسيط بيتجمع فيه محترفين حقيقين من كل حته في الدنيا 

الجروب:

• ادريان من رومانيا
• وريكي من اسبانيا
• رامي شاهين من مصر

الجروب

سلو جيجنج:

بعد ما تتهد من البوبينج طول اليوم بيجي وقت الدلع هو مش دلع قوي يعني 😅 بس مقارنه بGT بيكون حاجه كده بتريح فيها وغالبا بتكون يا اما Jigging او light casting والاثنين الصراحة حلوين ونتائجهم ممتازة في جنوب عمان الأعماق كويسة 120 الى 150 متر

 انا بحب السلو جينج (slow pitch jigging)بشكل خاص وعلشان كده العدة المستخدمة بكون متوصي بيها شويه 

عده السلو محتاجه تكون حساسة بشكل كبير علشان تقنع السمكة بالاكشن وخصوصا في Overhead او Conventual الإحساس بيكون عالي بينك وبين الخيط والجيج فبتحس باقل حركه ما ينفعش تقرر انك هتعمل سلو جيجنج في الأعماق دي بخيط PE4 مثلا هتكون خسرت كتير من الاكشن وغالبا النتايج هتكون مخيبه للامال لازم يكون البريد رفيع وناعم بقدر الامكان علشان ما يتأثرش كتير بالتيارات ويدي الاكشن المطلوب ودي

Mahi Mahi

Mahi Mahi

الرود هيا الأساس في السلو لازم تكون رود لينه (رقع) علشان تاخد منها اكشن مزبوط مع العلم انت مش بتحمل عليها بشكل كبير الحمل كله بيكون على المكنه وتفضيلي الشخصي لمكنه شيمانو اوشيا الموديل الجديد HG علشان التكنولوجيا الجديدة اللي فيها وسرعتها في اللم 🐟

السلو متعته في المجهود القليل اللي بيتعمل مقارنه بالنتايج المبهرة اللي بتيجي منه عكس الفاست جينج اللي مجهود فيه بيكون كبير والنتائج كمان عظيمه بس بوبينج وفاست سوا الموضوع بيكون متعب جدا فكنت بفضل السلو عن الفاست وده ما يمنعش اني عملت Fast Jigging بجيجات خفيفة 150 جرام من نوع Hada والرود كانت من templereef الامريكية...

المنطقة في جنوب عمان بكر مش مهروسه والانواع كتير بس كل نوع محتاج حركه مختلف للجيج وواحد من افضل الجيجات اللي استخدمتها بأنواعها Seafloor control في طبعا اكثر من شكل وكل شكل فيهم ليه اكشن مختلف عن التاني علشان تناسب طبيعية السمك المستهدف من احلى الحاجات اللي بتضرب على السلو Red Snapper (النهاش) في الشوي طعمه حكااااية 😋 

 العدة اللي استخدمتها:

Rod: 

Deepliner logical 60

Deep-liner Logical

Reel:

 Shimano Ocea Jigger 1501HG 

Shimano Reel

Line:

Shimano OCEA EX8 JIGGER Tuned PE2

Leader: 

Seaguar Grand Max 40 LB

Seaguar Grand

Lures: 

Seafloor control 150g-250g

SeaFloor Control Lures

Falling Speed and action

ا

كاستينج (Light Casting):

كمان light casting ليه مكان في اليوم وده بيكون لطيف بعد الشقا وبيضرب عليه mahi mahi بنسميه في مصر حصان او لمبوكة والاكشن بتاعه قوي وبتشوفه وهوا بينط برا الميه من كتر الحماس والصيد ببوبر صغير من 30-50 جرام ولورز بتكون في راينج الخمسين جرام وكمان في تونه صغيره Bonito ودي مسليه جدا لانها بتكون اسراب كبيرة فبتطلع كتير بس طعمها مش احسن حاجه فكنا بنرجعها Catch & Release 
نيجي لتفاصيل

 العدة المستخدمه للكاستينج:

Rod: 

Zenaq Tobizo 80/50

Tobizo Rod

Reel: 

Shimano Stella 4000

Shimano Stella 4000

Line: 

varivas casting pe3

varivas casting

Leader: 

Seaguar Grand Max 45 LB

Seaguar Grand

Lures : 

HERU CUBERA 40 & Feed Popper 45g 

PRESS BAIT 125 HEAVY DUTY

PRESS BAIT 125 HEAVY DUTY

كاستينج بورسعيد

المكان :  بورسعيد (معدية سيوة)

التاريخ : 28/05/2018

الأدوات : Daiwa Reel

الطعم    :  strike Pro

بواسطة  :     Medhat Eisagheer

كاستينج السخنة

المكان : السخنة

التاريخ : 5 /2018

الأدوات : Shimano combo 

الطعم      :  max rap & bay ruff manic

بواسطة : Eslam EL-KOWESNI و  Omar Haitham

الكاستينج من ألالف الى الياء-أحمد الصفتي

كتب بواسطة :

عندما يتعلق الأمر بصيد الأسماك ، لا حظك انة لا يوجد أساطير صيد الاسماك ,وليس لها أي علاقة بإيجاد الاسماك. كل ذلك يتلخص في مدى معرفتك بالصيد. التكنيكات المناسبة، اماكن صيد الأسماك ، وكيفية صيد الأسماك مع استخدام ، اللور بديل الطعم الحى ، وأكثر من ذلك بكثير! أيضا ، خصائص اللور ، أو طريقة العمل بة هو عنصر مهم جدا لجذب وصيد الاسماك. في هذه المقالة ، سوف تجد أساسيات الكاست والتنفيز السليم وأنواع اللور التي يمكنك استخدامها لصيد الأسماك.


تتطلب الأسماك المختلفة أنواعاً مختلفة من اللور أو Lure ، كما أن اقبالها على الطعم الصناعى تتغير مع محيطها ودرجة حرارتها وموسمها وما إلى ذلك. وان لم تكن على دراية بهذه الأمور ، ستجد أنه من الصعب حقاً العثور على صيد واحد. أنت بالتأكيد لا تريد أن تصاب بخيبة أمل في نهاية اليوم والعودة إلى المنزل فارغ اليدين ، أليس كذلك؟ قبل الدخول في اختيار لور معين ، هنا أساسيات سريعة لما يقبل علية الاسماك شكل ومواصفات اللور المصمم خصيصًا لجذب الأسماك يساعد اللون والاهتزاز والحركة في جذب انتباه الأسماك. وهي مصممة بطريقة تشبه فريسة مصابة ، أو جذابة لتكون مغرية او شكلها ومواصفاتها مناسبة لمكان تواجدها اولا وتواجد الفصيلة المحببة لهذا النوع إقليم من الأسماك بمعنى اية ؟انك عندما تقوم باختيار اللون والشكل والحجم لاى لور يجب اتباع الاتى ان يكون اللور ملائم لطبيعة ومكان اعاشة وتواجد هذا النوع من الاسماك والا سوف تفقد مصداقية اللور وان يكون اللور فى حركتة واهتزازة بالماء يحاكى شيء مهم جدا ان يحاكى سمكة مصابة وتترنح او يكون من الفصيلة المحببة جدا لنوع السمك المستهدف 

تصنع لور الصيد من المطاط أو الخشب أو المعدن أو البلاستيك أو الفلين أو الخيوط أو ريش الحيوانات أو غيرها من المواد عادة ما يتم إرفاقها بنهاية خيط الصيد مع أنواع مختلفة من الخطافات التي تساعد على صيد الأسماك عندما تقترب منة تأتي بعض اللور بحركات ميكانيكية محددة تقوم بها بشكل متكرر عند استرجاعها بسرعة متّسقة عبر الماء هذا كافى وقوى لاغراء السمكة ، ومع ذلك ، فإن الإجراءات العشوائية أكثر إقناعا وسوف تساعد في صيد الأسماك وهذا شىء اكيد ومجرب كثيرا ونسمية تغير الاكشن وهو دارج جدا بين صيادى الكاستينج وتشمل الأنواع المختلفة من اللور والمعالق spinner baits الطعوم الينة البلاستيك للايقاع بالأسماك الخ إذا كنت تسأل لماذا يتم استخدام الطعوم الاصطناعية ، فإن الجواب سيكون ان فكرة فريق اليكس كاست هى الحد من استخدام الطعوم الطبيعية والمحافظة عليها نوعهم علاوة على ذلك ، تساعد الطعوم الاصطناعية في ابقاء الأسماك سليمة (عند استخدام طريقة الكاستينج وإطلاق السمكة حية بالماء هذا غير المتعة اللتى لا تقاوم فى جيم السمكة بالنسبة للكاستينج وحيث انها لا تعلق عميقًا في فم السمكة وبهذا من الممكن ارجاعها الى الماء سليمة معافية ان كانت نوع منقرض او دون الحد المسموح للصيد

Different types of Lures

تتصرف اللور المختلفة بشكل مختلف لخداع الأسماك المختلفة وعوامل مختلفة تحدد عمل كل لور. عوامل مثل إغراء اللون ، والحجم ، والأصوات ، والطريقة التي تتحرك بها فى الماء ، إغراء الحركة واللون والصوت وغيرها هي مهمة على سبيل المثال اللورالمخصص لصيدالأسماك المفترسة مثل ال GT Giant Trevally ، عادة ما تتحرك بسرعة ، وهذا يجعل من السهل خداعها على انها فريسة محاولة الفرار ، عندما يتم تطبيق هذا الاكشن تحديدا سوف اضمن لك صيدًا جيدًاوسوف نناقش تباعا لاختصار الشرح

Gt Giant Trevally

اختيار اللور الصحيح للأسماك المستهدفة مهم لأن الغرض الرئيسي من إغراء هو خداع الأسماك من خلال تقليد حركات فرائسها الطبيعية وبالتالي هناك مجموعة واسعة من اختيارات اللور المتاحة لأنواع مختلفة من الأسماك يلعب نوع وحجم وأنواع فريستك أيضًا دورًا حيويًا في اختيار اللور فيما يلي بعض أنواع الاسماك الأكثر شيوعًا لنوع معين من اللور

القاروص

من المعروف ان اللور الأكثر شعبية والأكثر استخدامًا في موسم القاروص وهي أيضا واحدة من اقوى الاكشن وعادة ما تكون بمقاسات متقاربة جدا هى من 7 سم الى 11 وهذا ليس بالضرورى ان لا تقبل السمكة على لور اقل او اكبر ايضا صغر اللور لا يمنع من استهدافة ابدا وهذة معلومة خاطئة عند البعض بل ارى ان العكس صحيح ولاكن نضع لكم الحجم المثالى للور المناسب لهذا النوع من الاسماك ايضا السوفت بيت soft Bait بكل انواعة هو مثالى لصيد القاروص نظرا لضعف اسنان هذا النوع من السمك

Soft Bait

وهذا لا يعنى ان السوفت بيت غير ملائمة لباقى الاسماك المهاجمة بل تصلح ايضا ولاكن قلما نستخدمها لانها تهلك بسرعة مع باقى الاسماك مثل المياس والدراك وعائلة البراكودا وهذا يشكل عبىء مادى على الصياد ولاكن ان كان السؤال الاختيار بين السوفت بيت واللور البلاستيكى او الخشبى فا المستهدف الاول والاكثر حظا هو السوفت بيت

اسماك المياس زو الفك القاتل

تعتبر هذة الاسماك من الاسماك المهاجمة والعاشقة للدم كغير كثيرا من الفصائل الاخرى حيث تشتهر بعشقها لقطع فريستها اولا الى اشلاء ثم اكلها ولذلك يلذم لصيدها طعوم ميتة او فرائس مربوطة ومغطاة بالدماء لذا عن اختيار اللور المفضل لهذا النوع يجب اتباع بعض الارشادات المهمة أن يكون اللور المستخدم قوى جدا من حيث الفراغ المستخدم فى تصنيع اللور ان يكون الطول المثالى للور من 15 الى 20 سم ان يكون الخيط لا يقل عن 23 ليبرا ان كان من نوع الحرير او البريد وان لا يقل عن 40 ان كان من الكاربون النايلون الالوان المحببة لهذا النوع الابيض وبرأس حمراء - الابيض فى بينك - الفضى السادة - الفضى فى احمر والازرق الماكريل عند الاستعداد لمواجهة هذة السمكة يجب ان تعرف الاكشن الصحيح اللزى سوف تستخدمة اولا لا تبطىء ابدا فى سحب اللور بشكل يجعل من اللور شكل واضح ومحدد فهذة الاسماك ذكية جدا وان تكون المنظومة ضبطت ضبط مثالى قبل البداء بعملية الصيد استخدم دائما اللون الابيض فى بدىء النهار فهو عن تجربة اكثر لون ادى نتائج مبهرة وبعدها اختار من الالوان اللتى ذكرت مسبقا بالشرح لا تستخدم مع هذا النوع من الاسماك الاعواد ال low Action فذلك سوف يؤدى الى انهاء الجيم لصالح السمكة ودائما تأكد من ربطات اللور مع المشبك مع البريد ولتلافى ضياع الاكشن من الواير قم فقط باختيار اللور الطويلة عن نجاح الصيد وخاصة للمياس وبمجرد ما تحصل عليها بالماء ومع بداء المقاومة من السمكة فورا انحنى بالعود بزاوية لا تقل عن 45 درجة الى الجانب وهذا لة تأثير كبير على اجهاد السمكة وضمان ايضا لعدم كسر العود وهذا عن تجارب كثيرة جدا ايضا ابقى السمكة فى محيط خالى من اى صخور لانها سمكة قوية وذكية جدا ولا يوجد اى مانع ان تركتها تدخل العمق واعلم جيدا طول ما انت هادىء اعدك ان الجيم لصالحك وهذا فقط مثال على نوع واحد من الاسماك ويطبق على الاغلب

زاوية انحناء العود وقت صدمة السمكة

مهم جدا ان نراعى اشياء مهمة وقت الصيد وخاصة الكاست Casting Time اولا يجب ان تعلم ان المعدات الخاصة بالكاست لا تقل اهمية عن وجود الاسماك من عدمة اى انة يجب ان تكون معداتك مثالية حيث المقاسات والتوافق لن نقول انة لا يمكن الحصول على نتائج بغير عدة الكاست والمخصصة للكاست من الممكن ان نحقق نتائج ولاكن هل تضمن انها سوف تكون نتائج صحيحة ومستمرة ؟ من الممكن ان تستخدم اعواد غير مخصصة للكاس ومكن غير مخصص للكاست وخيوط غير مخصصة للكاست وايضا اكشن غير مخصص للكاست ولاكن ؟ كم من % فقدت من نجاح الصيد الخاص بك بهذة المعدات لو قمنا بتقسيم المعدات الى كمثال 15% لكل جزىء من المنظومة عود 15% رقم يرمز الى التنغير مكنة 15% رقم يرمز الى التنغير خيط 15% رقم يرمز الى التنغير لور 15% رقم يرمز الى التنغير مكان الصيد 15% رقم يرمز الى التنغير مهارتك كصياد كاست 25 اذن ستكون انت الان المقرر من اين تبدا وكيف تكون ملم بادوات الكاست وما سوف تستغنى عنة اذا الامر

حجم اللور المستخدم ومتى يجب تغيرة

إذا كان أحد أنواع اللور المستخدم لا يعطى نتائج فاستمر في تجربة لور جديدة حتى تحصل على النتيجة قد تكون الأسماك في بعض الأحيان أصغر من أن تأخذها بحجم هذا اللور في هذة الحالة قم بتغير اللور فورا في بعض الأحيان يمكن أن يؤدي التغيير فى الاكشن إلى مزيد من الحركة ويجعله أكثر جاذبية للأسماك الموجودة استمر في التحرك والإلقاء في مناطق مختلفة مع استبدال اللور وذلك لأن الأسماك يمكن أن تحدد اللور عند رؤيته أكثر من مرة ، مما يقلل من فرصتك في الامساك بالفريسة. لذا ، استمر في تغيير منطقة الكاست فى حدود ال 200 متر بالإضافة إلى تغير الاكشن ومسافات الرمى كل مرة للحصول على نتيجة

Rod Action

Rod Action

انصح قبل الاختيار العشوائى للاعواد وخاصة اعواد الكاست ان تراعى الاتى اى من انواع الاعواد سوف تلائم باقى معداتك او نظم الصيد التى سوف تستخدمها من المهم فى اعواد الكاست والمستخدمة للطعوم الصناعية اختيار دائما المنظومة بالكامل متطابقة ومتوازنة اى لا اختار عود سلو اكشن وانا اعلم انى منتظر سمك مهاجم كبير مثل المياس والانش والدراك وايضا لا استخدم اعواد اكسترا اكشن وانا استخدم لور 7 سم على ميرا مثلا او قاروص صغير اذن اختيار العود بيكون حسب الاستخدام طبعا اول حاجة سوف تقال اذن انا لكل نوع سمك ولكل مكان سوف احتاج منظومة ؟ الجواب الصادم هى نعم ولاكن ؟ من الممكن ان تتفادى هذا باختيار دائما الاعواد وسطية الاكشن لتعمل معك جيدا فى اغلب الاستخدامات مثل الفاست اكشن fast action او ال moderate Action طيب الاطوال المصرح بها للكاست او الطعوم الصناعية

اطوال الاعواد المستخدمة للصيد بالطعوم الصناعية

يفضل استخدام الاعواد واطوالها حسب اماكن المصايد الاغلب بالمنطقة اللتى تعيش بها او الاماكن التى سوف تتردد عليها حيث تقاس بالارتفاعات والبروز الصخرى وهذا يحدد استخدامك اعواد الكاستينج تبدا من 2.70 متر بحد ادنى وتنتهى فى 3.70 بحد اقصى ولا يشترط ان تكون قطع من اثنان او ثلاث من الممكن جدا انتقاء اعواد الكاست التلسكوبية على ان نراعى الاتى ومهم جدا ما سوف اقولة ان يكون العود خفيف ويلائم المجهود اللزى سوف يبزل مدة لا تقل عن 4 ساعات متواصلة أن يكون يحمل ومكتوب علية جميع البيانات الخاصة بة مثل وزنة ووزن اللور المستخدم بحد ادنى واقصى cw: ان يكون العود من الفايبر المرن وليس القاسى وان يكون الزراع مخصص للكاست وليس للاسبينينج او التشويح اى ان من الزراع الى المكنة مسافة قصيرة وليست طويلة كباقى الاعواد ان تكون الدبل مخصصة للكاست صغيرة وبعدد 2 دبلة على الاقل بكل عقلة وان تكون المسافات بين الدبل قصيرة كدة حضرتك تقدر تختار العود بدون ما تحتاج لى ولا لاى احد لتقيمة نهائى

مكن الكاست Casting reels

عند اختيار مكأن الكاستينج يجب اتباع الاتى اولا ان تكون المكنة خفيفة الوزن قدر المستطاع ان يكون حجم المكنة لا يقل عن 2500 ولا يزيد عن 4000 ان تكون سرعة المكنة لا تقل عن 5.1.0 ولا تذيد عن 6.3.2 عند انتقاء المكن بالزات ارجو اختيار انواع معروفة ولها قطع غيار بالسوق المصرى ان تكون السعة الاستيعابية للخيط لا تقل عن 150 متر متوسط حجم الخيط ان تكون من مواد خفيفة وقوية ومخصصة للماء المالح نظرا لما سوف تواجهة بالبحور ان يكون الدراج الخاص بها يعمل بشكل جيد وحقيقى وان لا يقل الدراج عن 4 كيلو يبقى كدة كمان ااقدر اعتمد على نفسى فى اختيار المكن المخصص للكاستينج

Casting Line خيوط الكاستينج

هنا هنعرف اذاى نختار بين انواع الخيوط الكتيرة الموجودة باختلاف مقاستها اولا لازم نعرف ان خيوط الكاستينج مينفعش نختارها بعشوائية ولازم كمان الاختيار يكون بتأنى جدا هنختار خيوط الكاستينج بالمقاسات الاول وبما يتناسب مع طريقة صيدنا والاسماك المستهدفة من 16 lb الى 25 lb هتكلم عن نفسى انا بحب الخيوط الكبيرة اى انى بختار اكبر خيط تتحملة المنظومة معايا وليكن 23 lb وبيكون 8 فتلة او جدلة كما يطلق علية وان يكون من الحرير وليس البلاستيكى وان يكون اللون ابيض ولا احبذ اى لون اخر خاصة للكاستينج ان تكون ماركات معروفة وتم تجربتها من اكثر من شخص وتحملت نفس الاوزان المكتوبة على العلبة وان يكون لها نفس الربطات المعتادة وليست تحمل ربطات خاصة بها وهذا مهم جدا جدا ان نكون خامة الخيط مرنة وطرية الى حد كبير ولا تحمل طبقات اى مواد اخرى عليها مثل الوان او اى مادة غير المصنع بها الخيط

Casting snap

هنتكلم هنا عن الاسناب الخاص بالكاستينج عند اختيار الاسناب المخصص للكاست نراعى الاتى ان يكون الاسناب من مواد خفيفة وقوية وصغيرة تلائم حجم اللور وايضا لا تغير من الاكشن المخصص لللور وايضا ان تكون سهلة التركيب والفك عند تغير اللور من المهم ايضا ان تراجع دوما على قفل الاسناب لانة من الاشياء المهمة جدا بالمنظومة واللى بسببة بنضيع اسماك كتير ولور اكتر ومن افضل انواع الاسناب هى زو القفل المنحنى من جهة واحدة ومفرغة من ناحية تركيب اللور بشكل اكبر من ناحية الخيط يجب ان لا تعتمد دائما عى عدم تغير الاسناب فى حالة عدم تلفة شكليا لانة من الممكن ان يكون قد تلف من الوسط ومن تحت الرباط لذا عند تغير اكثر من 10 لور قم فورا بتغير الاسناب مرة على الاقل تأكد دائما ان الربطات المربوط بها الاسناب قوية وقم بتجربتها بالشد على الايدى للتأكد من ان الربطات قوية وسليمة

leader الليدر وهو الجزىء الفاصل بين البريد والاسناب

هنتكلم الان عن الليدر leader واهميتى للكاستينج من المهم جدا تركيب ليدر بين البريد والاسناب وذلك لان الليدر هو الحماية ضد اولا صدمة السمكة ويعمل بأمتصاص الصدمة الاولية للسمكة كلنا وكما نعلم ان البريد من الخيوط القوية ولاكنها الغير مرنة بالمرة اى ان وقت صدمة السمكة نحتاج اى شىء يساعد العود والمكنة والبريد فى امتصاص الصدمة او التقليل منها هنا يعمل الليدر على امتصاص هذة الصدمة وليس فقط هذا ولاكنة عند الاحتكاك باى شىء صلب مثل حديد او صخور بيكون اقوى بكثير من البريد فى التحمل وعدم القطع وليث اخيرا لانة ايضا بيكون بعد اللور وبمسافة لا تقل عن متر ونصف بيكون شفاف واكثر واقعية لروئية السمكة للخيط اذن نهتم بتركيب الليدر دائما وخاصة للكاستينج

افضل ربطات الليدر بالبريد-فيديو :

افضل ربطات الليدر بالبريد

كلنا وكما نعلم ان ربط البريد بالليدر يجب ان يكون بشكل جيد ولا يولد اى احتكاك بين الاثنين حتى لا يفقد وهنا اعرض لكم افضل ربطة للبريد بالليدر سهلة وقوية جدا يوجد بعض الناس تقوم بربط البريد بالليدر بشكل عشوائى وهذا يشكل خطر كبير على الصيد والمنظومة سجلت كثيرا اخطاء الربط بين الخيطين بشكل جعل الموضوع مرهق ومتعب لبعض الصيادين لذا نرجو اتباع الصور المشار اليها للربطات المخصصة كى لا نفقد معداتنا او الصيد وهذا يشكل عبىء نفسى كبير علينا وقت الصيد ولا نود حدوث مثل هذة الامور

افضل اماكن تجمع اسماك الكاستينج

من الضرورى وكما نعلم تحديد اماكن الكاستينج وكنا شرحنا من قبل كيفية تحديد المكان من الضرورى جدا مراعاة الاتى فى تحديد المكان ... ان يكون المكان قريب من الشاطىء بمسافة لا تقل عن 30 متر طول او بشكل دائرى او حواجذ امواج ان تكون تلك الصخور متقاربة وبها مخارج ومداخل ظاهرة بالعين ان تكون تلك الصخور بين مسافات متقاربة لا تقل عن نصف متر ولا تذسد عن 15 متر ان تكون الصخور قريبة جدا من سطح البحر وان المياة بها لا تقل عن 5 امتار ولا تذيد عن 10 وان تكون الصخور محكمة الالتصاق بعضها البعض وبشكل لا يسمح بمرور الاسماك بينها والصورة هنا كمثال لبيئة خصبة لاسماك الكاستينج او الاسماك المهاجمة

طريقة الرمى بالطعم الصناعى بالشكل

هنا شكل مبسط طبعا لطريقة الرمى السليمة بعض النقاط البسيطة من الممكن ان تغير من طبيعة الصياد وخاصة الكاست اليك بعض الملاحظات المهمة والبسيطة المتبعة وقت الرمى اولا يجب ان تكون متأكد ان كمية الخيط على المكنة كافية للرمى وايضا لابقاء السمكة ان كانت هائجة فى محيط بعيدا عن الصخور او ان اجبرت على ذلك يجب ان تكون جاهذ لذلك لا يجب ان يكون بالخيط اى وصلات بالمنتصف او تكون الربطات بين الخيوط ربطات قوية وسليمة عند ملاء المكنة بالخيط تأكد دائما ان الخيط مربوط بشكل جيد بالمكنة تأكد دائما ان الدراج مضبوط بشكل جيد ويسمح لك بسهولة فكة او اغلاقة وقت الصيد تأكد انك تحمل كل معداتك قبل الخروج من المنزل او السيارة عند الوقوف على صخور يجب ارتداء ملابس تأمنك من اى صدمة وان الحذاء الخاص بك بة مانع تزلج امن نفسك دائما ومن معك من اى حركات مفاجئة وخطرة بمكان الصخور وايضا دائما اعلم صديق لك او اخ لك بمكان تواجدك ووجهتك وذلك لسلامتك للشرح بقية وتحديث دائما ارجو ان اكون وفقت فى نقل معلومة سليمة وسهلة للجميع كما ارجو منكم ابداء الرأى بالسلب او بالايجاب لنستمر معكم فى العلو بالهواية الجميلة والتى لطالما اخذت منا من وقت ومجهود كى نصل بها الى اعلى مستويات الاحتراف نرحب بكم دائما فى بيتكم الثانى واتقدم لكم ونيابة عن اصدقائى بالتيم بخالص التحية والتقدير وكل عام وانتم بخير Alex Casting International Fishing Team